Ngujung Ke Pemula

ati nuan seruran sesengit
penemu nuan bebelit-belit
enda lurus semampai singit
baka randau ti deka melit

janji nadai beamai-amai
kedalih majak tebantai
ukai udat ngelawa gayung
apin ujan sedia payung

nuan mayuh kuah ari isi
enda belaba ungkup diri
taja enda beriak baka ai
kilat bisi ujan enda nyadi

badu nuan nugung ke pemula
mimit pen aku enda pecaya
perangai nuan ari suba menya
enda berubah enda nemu jera