Peneka D meh

Sebedau manuk mengkukuk
Sebedau hari kerebak tawas
Sebedau ombak ngalun ke pandai
Sebedau lang pulai ke tansang

Aku udah dulu ditu
Udah dulu ngambu
Enggai ke nuan saru
Deka ngulu sebarang tuju
Aku udah dulu
Bumai sepiak munggu sida empulu
Dulu nasau munggu ijau

Anang nuan majak tuyu
Mata amu
Ngambu pengambu
Berunding pabu
Anang nuan kumang
Berani kempang
Ngelanggar adan
Mungkar nasan
Ngindik tegalan

Anang nuan bujang
Ngedar ke lengan
Nandang ke ilang
Ngasuh mansang
Nadai malik ke belakang

Laban aku sigi udah dulu
Ngasai ke pemedis enggau pemerinsa
Ngirup penyamai enggau pemanis