CLICK HERE FOR BLOGGER TEMPLATES AND MYSPACE LAYOUTS »

penerang ati

Wednesday, February 13, 2013

Bida entelah (teka-teki) kitai Iban enggau Laut

Entelah tauka teka-teki munyi ko jaku Laut, enggi kitai Bansa Iban enggau Bansa Laut bisi bida. Entelah kitai Iban bisi seni iya kediri. Panjai serta pedis deka disagam. Nyamai disebut entelah kitai iban pedis agi digiga saut iya bebanding teka-teki bansa Laut. Ambi ke banding:

Teka teki:  Burung apakah yang boleh berdiri, boleh baring tetapi tak boleh duduk?

Entelah:
Jengayan bujang berani, madah ke diri pulai belelang ari menua Itali.
Tubuh iya amat tegap setipak enggau namaya gagah berani.
Enti enggi kitai makai asi disuap enggau ujung jari, tang enggi iya enda pia.
Minta dipapaka aya manang Melanyi enggau empanang tekang mau tuchi.
Nya meh ngasuh iya lama kenyang enda tedani.
Semadi digerak indai kumang mendani. Jingkau di jari, cubit ba pending, nyak ba dada selentang ati.
Nya baru iya tedani ngeluakka gempanang tekang mau besi.
Ke bedau lelinak baka baka chapak pinggai lelayang.

Jengayang bujang genggam, madah ke diri pulai nemuai ari Nengland.
Tubuh iya amat tegap setipak enggau namaya ke gagap.
Enti enggi kitai makai asi disuap enggau jari kanan, tang enggi iya enda pia.
Minta dipapakka aya manang buban enggau gempanang tekang mau manjan.
Nya meh ngasuh iya lama kenyang tan betatam.
Semadi meh digerak indai kumang penyimpan. Jingkau di jari, cibit aba pending, nyak ba dada kanan.
Nya baru iya tedani ngeluakka gempanang tekang mau manjan.
Ke bedau lelingai baka tangkai nyiur pandan.

Tuesday, February 12, 2013

Labi-labi

Akai-akai... pama pemalat debu ba blog aki tok! nyau abis engkasi maya betepaska uras. Ukai nama, majak tuai nyau majak ngeluso online. X baka biak suba. Nyau ngechur-ngechur diatu. Bah... serak tok aki ka mantai ke koleksi labi-labi ulih aki sepemanjai taun 2012...

 
agi tupi aki siko tok, 9.6kg


                                                          
                                                      sekeda ikan ulih ba Long Tinjar

 
 
 




                                                                   Kuda aki




 


                                                                       13kg


tok rekod, ulih ba ai Bekenu 43 kg
 
                                                                   11kg

Wednesday, November 23, 2011

Setaun Udah

saritok, genap setaun aki dah gawa. Tang blog aki tok udah limpas setaun enda kala diupdate. Ukai tegal kelalu kisuk laban pengawa. Tang sigi nadai utai ka dikarang ba ditu. Apuuuu... nyau repa ruai tok. Penuh kasak pukat empelawa. Nyau abis sumbat lubang idung kasak debu lebuh maya betepaska keresik sebelah bilik. Hahaha... pengudah tok, aki start beblog baru. Ngerintai ke pejalai pengidup maya niti hari-hari sunyi ngalih lemai.

Tuesday, November 2, 2010

Payung Enggau Ujan


Enda semua utai dipeda nuan manah belama. Enda semua utai diasai ke nuan nyamai belama. Mega enda selama-lama idup kitai nyamai, pia ko apai aku bejaku lebuh maya kami seduai nginti aku agi mit suba. Tang leka jaku nya meruan rat nambat tiap-tiap igi pengingat aku.

Siti hari ila, lebuh semua iya udah datai ba ujung. Semua kitai sigi labuh ke baruh nyembah tanah. Nadai sapa selama-lama diau ba atas. Tiap-tiap iya ka ba atas, atai ba putar dunya sigi pulai ke baruh. Utai ke dikenangi, ti kitai udah lama di atas, udah teleba idup senang, pengelabuh kitai ngasuh kitai buruk enseput lembau angkat.

Anang aja maya kitai ka nikal pulai ila. Hari udah suntuk nyukur lemai. Pintu udah tutup nadai jalai tama. Anang udah tepantup ba bandir baru deka malik ke belakang. Maya nya... nadai sapa ngerimbai kitai. Baru kitai nemu, semua utai tok semina diinjau mina nyadi ayam mata aja. Baru kitai nemu, dunya tok mesai ni. Baru kitai nemu tinggi baru langit. Baru tua nemu... maya tusah tua ngiga Petara. Tang semua nya udah laun. Udah nadai agi!