CLICK HERE FOR BLOGGER TEMPLATES AND MYSPACE LAYOUTS »

penerang ati

Sunday, March 29, 2009

enti orang bukai ulih magang, enda patut ga tua enda ulih”


Pemuas aku bayam kempita, muka internet… baru aku nemu tinggi langit, nemu penalam tasik. Mayuh bala kitai iban udah pintar runding landik penemu. Lebuh ti bebaca ke blog bala sekeda, aku berasai temegah ati. Ukai mina bansa bukai aja landik nengkebang blog… bansa kita pen mayuh ulih. Aku aja meh jauh tinggal ke belakang. Ti natuk ke keyboard kempita tu… nyau udah tuai tu aku. Suba agi biak, jauh pengawa nya. Nyin endur aku… madang kelindang, damun repa. Aku siku antara kitai mensia ke laun nerima pemansang dalam dunya IT tu. Beduruk ari semua nya, aku ngasai ke diri patut nitih ke singkang bala kitai iban ke bukai. “enti orang bukai ulih magang, enda patut ga tua enda ulih”, leka jaku nya semampai bemain dalam kutak pengigat aku kenyau ari mit suba. Jaku nya meh meri aku ulih bediri datai ngagai sukat jam tu.
Bah… kusil-kusil meh terubah ya ngaga blog tu. Keni ngau orang ulih menah magang? Hahaha… ukai nyamai ga ngaga utai ti nadai penemu mimit pasal siti-siti perkara nya. Nadai sapa ngajar aku. Pemuas ya nguji meh tu. Ukai nya bom keno ko sekeda. Amat jaku nya, uji ke aja. Anang takut salah. Ti salah gaga baru ga. Nadai bebayar ngaga blog tu, semua free. Nadai orang nganu, karang aja nama utai dikingin ati kitai asal enda ngelangar undang-undang.

0 comments: