CLICK HERE FOR BLOGGER TEMPLATES AND MYSPACE LAYOUTS »

penerang ati

Monday, April 6, 2009

arsenal


Enti cerita pasal main bol, aku chukup rindu. Sebut aja liga nama aku sigi layan (semadi liga malaysia). Sanggup aku duduk lepak ba pak kupi bala mamak bejam-jam lama ti meda main bol. Udah siti-siti tema ga dianti main. Enda nemu putus maya ari enam. Hari tiga sampai pagi aku ti dah ngaga amat meda champion League. Nya siti ari ulah aku. Engka enda manah peda mata orang bukai. Ba aku nya nadai ngawa. Semua kitai bisi pengerindu diri empu. Gaga aja meh pengawa kitai. Asal enda ngachau serta ngenusah pengidup orang bukai.

Ti meda EPL, aku rindu meda Team Arsenal. Arsenal forever munyi ko orang. Aku minat Arsenal kenyau ari mit suba, pengudah ngelala Terry Henrey, diatu udah pindan ngagai Bercelona. Taja akih nya pindah, sukong aku tetap enda berubah aki bedau bependam ba Arsenal ditu. Pengerindu enda tau berubah-rubah kin kia. Baka sekeda, sekejap nyukong tu, season baru nyukung team nya ga. Enda ibuh aku nyebut nama. Enggai ke ringat legi. Hehehe
Ni ko ya meh ka nyukong sapa-sapa. Hak ya ney wai. Tang kita anang enda ingat, pengawa nya mega nyeremin ke gaya enggau pendiau idup kitai empu. Kitai enda patut jampat berubah digulu gelumbang penguji kaban!

Mayuh ga bala kaban aku nyau udah betukar angin diatu, dipuput ke ribut ngiga alai endur nyamai gi. Nyukung team ke kering agi. Alai meh kita, nadai ari aku ka nagang kaban. Aku tetap enggau bedil Arsenal tu. Badu enda meh sida ya nyau majak tekuing, meda bala pemain arsenal diatu nyau ampil semua nembiak belasan taun. Ti ba menua kitai diatu, agi sekula magang bala sida nya. Mayuh orang enda confident arsenal ulih menang taja siti pen gelar seagi bala nembiak nya main. Tambah agi, bala pemain ya nyau mayuh udah bakal diatu. Tang semua nya nadai ngasuh ati aku bebali sekali ari dunya arsenal. Arsenal meruan ba ati. Aku fantatik ngagai arsenal. Aku pechaya ngagai polisi ke benung dirancang Arsene Wanger diatu.

Nyadi team kedua support aku ba EPL dah nya ianya liverpoor. Liverpoor tu siti team ti kuat amat ga. Best team in the world munyi ko orang. Kebuah aku rindu ngagai team tu ketegal bala kami sebilik start ari indai apai serta bala menyadi aku semua rindu ke team liverpoor. Indai aku enda nemu macha, enda nemu nulis pen minat ngagai liverpoor. Nyentuk ke bisi siti jersi liverpoor. Ahhahaha.... alah amat aku ari indai aku nya.

Team ti pemadu enda dikerindu ke aku mina siti ba dunya tu. Nemu kita? Manchester United. (minta ampun ngagai bala fun club M.U). Kebuah aku enda rindu ngagai team tu laban kelalu amat enti dah bejaku. Ngalah ke peninggi utai ke pemadu tinggi ba dunya tu. Sengaja aku enda nyema ke peninggi puchuk tapang, laban menua ribai din nadai puchuk tapang. Baka ke team nya enda nemu alah. Enda ibuh ga aku nyerita panjai-panjai pasal M.U tu. Enda alah ringgat sekeda legi ngenyati ruai aku tu. Hahahaha.... anang pia geng. kitai tetap sekaban taja parti enda sama chap. Anang meh belaya.

0 comments: