Nguji anang badu, rindu anang leju

Bah…
Lelek nuan… ngetu dulu meh
Batak dalam-dalam seput… belelak meh
Taja pia, anang nuan terunda
Nyandih lalu ngantuk
Gali lalu tinduk
Duduk enggai angkat
Anang nuan lembau tulang
Anang mudah putus pengarap
Nguji baru meh
Ukai ditu jelatung nuan

Nyadi… pengangkat nuan sekali tu
Anang enda bejimat
Nya petara udah meri peluang
Atur meh singkang
Anang enda ingat merening ke belakang
Penanggul semampai nganti nuan ilap
Enggai ke nuan labuh baru
Irau ke nuan lalu tenggelam nyema lemas

Enda alah bejalai… ngerayap pen nyadi
Amat meh nuan datai ba penyangkai
Anang nuan takut nguji
Anang nuan nangi pedis
Kering ke meh ati
Gagai meh juluk ati

Suba…. Aku pen baka nuan
Aku kala terap, tetingkap
Lalu labuh kebaruh
Aku kala dibuai mega kala enda diguna
Tang aku angkat, aku berani aku nguji
Aku enda jampat leju
Aku enda mudah ringat
Semua nya meh nyadi ke sempun
Dijadika bekal serta lalau
Dikena aku nenggau jalai napi penguji
Meri aku nemu reti pait manis
Nguan dunya injau beri petara

Ari nya… aku pen arap nuan mega ulih
Pechaya meh asie…
Bisi maya ila
Penampak enggau penerang
Datai ngundang nuan.