BELAH ENDA TEMU KERIMPAK, LENYAU ENDA TEMU ALAI, ANCHUR LELA NYADI TANAH LADU. MERUAN ADA NYATA SEGENDA BELAMA-LAMAYA
Tu siti ari tanda ti bangat ngasuh ngeli rangkai. Ngagai bala kita di ka ngelaban tanda puco-puco maya gawai tu ila, tau belajar ka tanda tu. Ngarap ke semua kita teperindang...
Lalu meh punggal
Duduk ba ruai aku
Anang kita takut
Riur aku enda masin
Enda Tau tepang
Ngasuh kita menawa
Nyema salah pengawa
Dudak meh uchak
Aku ukai orang tau ajih
Nemu ngasuh kita busung kaki lusung jari
Empa kurap balut kayap
Nyema kitai bebuti
Aku nyau alah bungah laban kita
Anang kita irau akan
Taja aku anak iban
Aku enda kala dibekal ka
Sida aki sida ini
Sida apai sida indai
Penemu kepapas penemu jaie
Aku nadai pengaruh dikena bebunuh
Aku anak mensia baka kita
Nadai nyimpan seput
Dalam tajau lama
Pegila luas mimpi rawan datai ngereman
Aku mudik ngagai batang mandai
Dunya sebayan adan kitai
 |
0 comments:
Post a Comment