Hari Pengada aki

Bah deh... nyau enda berasi umur nyau ngisit sesingkang agi. Ragum nyau majak bauh, buk nyau udah bisi uban ga. Aki apai... Sari tok meh hari besai aki, hari pengada aki ngagai dunya tu. Enggau peluang tu aki meri terima kasih ngagai petara ti semampai ngangkung aki dalam tiap-tiap singkang aki ngelama tu. Nyaga pemakai enggau pengerai aki. Ngagai apai indai, seduai meruan disayau dikenang belama taja dini pen alai tepanggai. Ngagai bala kaban bala pangan, terima kasih ngagai bala kita mega ketegal ti sanggup ngambu nyadi ke kaban dalam ketawa enggau maya merinsa.

Beserimbai enggau hari tu mega, aki deka meri selamat ngagai ruai blog aki tu. Genap sari tu, umur blog aki tu manggai setaun. Arap ke blog aki tu ganggam enda mudah repuk ditelan jeman. Arap ke jari aki enda leju natuk kibut kumpita tu ngicha ke pejalai cherita pengidup aki enda ngetu naka tu aja. Ngambi ke bisi dikunsi ke bala semua, ya ke manah ambi ke chunto, ti nyema jaie gaga ke lalau ngicha ke pengidup kita anak Iban meruan likun maju nitih ke singkang bansa bukai.