CLICK HERE FOR BLOGGER TEMPLATES AND MYSPACE LAYOUTS »

penerang ati

Wednesday, April 8, 2009

Arsenal vs Villareal


Ngelaban Villareal, ba El Madrigal ukai kerja ke mudah ngagai Arsenal. Villreal cukup kuat ti main ba stadium sida ya nya. Tambah agi pemain Villareal ya ke main napak arsenal malam tadi mayuh pemain ngari ke menua Sepanyol(menua ngempu rangking lumur 1). Villareal udah mesti ya mantai ka curak main Spanyol ke sigi stidi.

Marcos Senna kapitan Villareal, ngambi awak 10 minit aja alai meri bala team Arsenal nyau kapa-kapa. Senna meri goal ngujung ke Villareal bulih 1-0 dalam masa 10 minit aja main udah start.

Akai... pama ga ya ianya. Nyau kelau- kelau atau jamah goal ya nya. Nambah ke nya agi, penyaga gol arsenal Manuel Almunia enggau pubek Arsenal Gallas nyau enda ulih nerus ke main udah bekau bakal. Akai... nyau majak kesal ga ati. Reti ya, semina Kolo Toure aja orang paling tuai tinggal atas padang ngari ke Arsenal. Umur Toure tu semina 27 taun, nyadi orang pengabis tuai atas padang dia. Ukai ka ngira tuai enda, pengalaman reti ko aku tu. Bala biak nya empai mayuh pengalaman atai ba standat game tinggi baka tu.

Taja pia, semua nya nadai ngeruga ke semangat bala nembiak arsenal tu, Emmanuel Adebayor nyadi hero pengudah ngegoal ke bol minit ke ke 66 bekau ari pasing ke kapitan Arsenal Cesc Fabregas. Goal tu pemadu stidi ari Adebayor peda mata aku sekumbang ya enggau team arsenal. Tahniah Arsenal, selamat maju jaya.

0 comments: