Ular makai baya

Ular nya benung nangkap baya ba siti paya menua Venezuela

Utai tu nyadi ba Los Llanos, menua Venezuela. Aku puas ga meda ular sawa. Enggau sidai apai, sida aki aku ngasu. Pengabis besai ular udah dipada mata aku empu ianya mesai burit baldi. Nyadi ular tu udah makai siku babi kampung lebuh ke ditemu uduk kami sebuat ba Ulu Balleh din. Senang meh munuh ya laban ke enda dapat udah bekau kenyang. Endang sigi gaya ular, ti udah kenyang enda dapat ngelaban. Tinduk aja pengawa.

Nyadi ditu aku ka mai kita berati ke siku ular di pengabis besai udah ditemu orang. Siku ular ba menua nya ko cherita udah nelan siku baya. Pama disebut ke baya. Enggai bula-bula aku ngenang penegal ya. Mayuh kitai mensia udah bebadi ketegal diempa baya. Ba menua Venezuela tu ngasuh ati alit. Baya ti besai ditelan ular pengudah mati dibelit serta diperekuh ke ular nya.

Ular nya benung nelang baya
Ngelama tu ba dalam tv, cherita orang ribai mantai ke ular Anacona udu nelan mensia enggau jelu bukai. Cherita nya utai digaga aja, ukai amat-amat. Ular ti nelan baya tu tadi udah mujur digambar siku jurugambar menua nya ti benung mansa alai dua iku jelu nya ti benung bibat.

Empai lama bisi ga menua kitai Sarawak tacoh sekedar bala sida ke ngumbai diri bisi tepeda ke siku ular besai tauke dikumbai nabau. Perkara nya empai temu pengamat ya ketegal gambar ti diambi nya empai tau dipechaya.