Empam Enggau Pengajar

PART I

Pengajar Antai benung ngajar nembiak PJk ba padang sekula. Baka selama, Pengajar Antai ngasuh nembiak ya ngagat ke isi(regangan otot). Maya Pengajar antai ngasuh nembiak ya gali serta ngangkat ke kaki lalu ngaga kaki baka orang ke benung bedayung besikal. Pengajar Antai nengkilun ke siko nembiak ya ka ngetu ngenyit numpu ke kaki ya. Pengajar Antai lalu letup-letup merak nembiak nya tadi.

"OOOOiiiiiiiii.... Empam nama ga nuan ngetu hahhh!!"
"Besikal aku benung nurun bukit tu pengajar, nya alai aku ngetu. Enda patut ga agi bekayuh ti nyema nurun bukit...".. pia ko Empam nimbal


PART II
Maya sekula sari nya udah abis. Sebedau pulai, Pengajar Antai nanya ngagai bala nembiak ya.
Pengajar Antai: Sapa ka tama ngagai serega? (Semua nembiak ngangkat ke jari semina Empa aja enda.)
Pengajar Antai: Empam, nama ga nuan enggai masuk ke serega?
Empam: Indai aku madah... udah abis sekula, terus pulai ke rumah... anang kini-kini agi.

PART III
Pengajar Antai benung ngajar Bahasa Iban dalam kelas 1 Bantin...
Pengajar Antai: Empam, uji nuan ngaga siti ayat ngena leka jaku asi pulut.
Empam: Senang aja nya pengajar.. baka tu ko ya... indai aku ngaga ai tuak ba dapur.
Pengajar Antai: Neh.. Ni asi pulut deh?
Empam: Asi pulut ukai enda dalam ai tuak nya... aya ga pengajar tu, baka ke enda sekula.

PART V
Pengajar Antai: Bujar, uji nuan nerangka nama guna urat pun pisang ngagai pengidup ya.
Bujar: Kena ya ngiga pemakai pengajar.
Pengajar Antai: Ok, manah, diatu nuan ga Jata. Nama guna batang pun pisang ga?
Jata: Kena ya ngangkut pemakai pengajar.
Pengajar Antai: Manah! Diatu nuan ga Empam. Nama guna daun pisang?
Empam: Kena ngelulun Ikan kena mungkus asi lemak pen ka nyadi pengajar.
Pengajar Antai: asapai... nya ya bulih. manah gi!! bediri atas meja sampai abis aku ngajar...

PART VI
Pagi nya... Indai Empam berasi alit ati meda Empam pulai tumu ari sekula, enda baka selama.
Indai: Nama alai nuan pulai tumu deh Empam, diatu baru pukul 10:00 pagi?
Empam: ooo... tadi Empam udah mujur nyaut tanya pengajar dalam kelas.. lalu dasuh ya pulai indai.
Indai: oooo.... manah, pandai amat anak indai tu( seraya murus pala empam enggau ati ti temegah)... nama utai ditanya pengajar ngagai nuan tadi deh jang?
Empam: pengajar nanya..."SAPA NIKAU KASUT NGAGAI MUA YA?"