Exam SUKSIS

bala kaban aki ya ke indu benung diuji kawat

fuhhhh... enda berasai ga ari majak bekalih. Tarang beganti tarang masuk bulan April diatu. Akai.. pegila aku test. Asai empai sedia ga. Bangat jampat ga jaruman jam bekinsit. Ukai nyamai ga test aku. Ti nyema tak nulis aja ok ga. Nya nyau radak-radak mantai ka urat rekung. Tiga taun aku udah enggau pengawa tu. Bekursus, belajar ke undang-undang, belajar ke cara nyaga bansa enggau menua serta belajar kawat. Kelimpah nya, kami bisi diajar orang bekachit ke senapang. Macam senapang udah dikacitka. Ari ke pemadu lempung ngagai ke berat. Semua udah diuji ke magang. Pandai ka enda. Tiga taun ukai takah ari ti sekejap. Tiga taun nya meh aku udah mansar diri empu enggau orang pengawa tu. Dani tumu, pukul 5.30 a.m udah kami rayap-rayap baka munsang ke ngiga pemakai. Orang bukai benung tinduk bekuruh maya nya. Ujung minggu orang enjoy ngelantang ke ati. Aku nadai... Tembu ngereja pengawa aku. Bisi ga maya ati ransi, ringat... ngasai diri enda ulih belelak baka orang bukai. Tang aku nemu nya semua mina penguji. Naka alah meh nyabar diri empu. Nama enda meh pengawa aku nya kini? Taja pia, kebatang aku enggau orang ngereja pengawa nya. Ukai ketegal aku lalu ka ngawa kereja nya. Aku semina deka ngasai bakani asai sida ke bejalai ke pengawa nya. Aku udah bisi batang pengawa diri empu. Udah bisi jalai kediri. Udah bisi juluk ati kebukai. Ukai nya jalai pilih aku taja pen tiga taun udah dia. Aku semina ka ngiga pengalaman, ngiga penemu ke lebih. Dikena aku nengau jalai idup aku dudi ari ila. Ngicha ke enda tesat ngelangar adat, bejalai seretai enggau orang lalu ti nyema orang duduk aku pen mesti mega nuduk kediri.