Udah gerai

Lama dah enda nyenguk blog aku tu. Ukai nama, ngetat ke diri. Nyau enggai nyadi bai manchal agi. Garing-garing aja pengawa seminggu-minggu tu. Naka ya meh penyunyi idup asai tu. Ka bemain enggau bala kaban pen enda ulih. Ti suba, maya lemai udah nyau aku jugging, main bol meh ni main ke temu aku meh. Udah pengawa aku tiap ari main nya. Udah dituntung penusah baka tu baru aku nemu ngasai ke patut amat kitai nyaga penggerai diri empu.

Sari tu aku ngasai ke pemedis nyau majak berinsur. Ti suba, makai, gali ketawa semua ngggai nyadi. Ka mandi pen nyau getak-getak ngetat ke telih nyau bepedi kasak ai. Nadai utai udah asi nya. Nyau asai ngetat ke pedis ngeli.

Kebatang ya aku suah udah ngasai ke pedis bakatu. Kenyau ari mit suba aku udah suah patah lengan, patah jari patah idung ukai berapa kali udah. Telih-telih nya nadai ibuh disebut. Udah puas ngetat ke pemedis enggau pemerinsa. Riri anak lelaki enda teleba ngasai ke pemerinsa pia ko sida apai maya kami berandau ba ruai.