Atur petara

Kes 1.

Vittorio Luise deriba entukar ya ba jalai Naples, menua Itali. Enda mukai-mukai ribut serta kudi datai ngesuh ke entukar ya ngujung ke labuh ngagai siti sungai. Enggai ke nyawa iya bebadi, Luies lalu mechah ke encheremin entukar ya pansut serta nyemerai ke tebing sungai. Luise selamat tang kudi ti balat nya tadi majak nyadi ngujung ke sebatang pun kayu ba tebing sungai nya tadi rebah lalu ningang Luise. Luise mati dia.

Kes 2

Mike Stewart 31 taun, bediri ba atas trak ya benung begambar serta ngaga video dikena madah ke ngagai bala mayuh bahaya ngaga nyematan baruh. Benung iya kisuk ngaga pengawa iya, dia deh trak iya nya tadi bejalai kediri laju nuju nyematan nya tadi. Mike enda sempat merejuk ari trak nya tadi lalu pala iya tepantup ba nyematan nya. Pala iya balat endar bakal bedarah enggai ngetu-ngetu ngujung ke Mike mati dia.

Kes 3

Stress ketegala enda bulih kereja, Romollo Ribolla, 42 duduk ba rumah iya ba Pisa, Itali. Iya megai senapang lalu deka munuh diri. Bini Remollo ngumbuk iya ngambi enda munuh diri. Nyau pengujung lebih 2 jam bini Romollo mujur ngumbuk iya. Udah nya Romollo nyabak bisi setengah jam, pengudah nya Romollo lalu ngempas ke senapang nya tadi ngagai lantai rumah sida ngujung ke senapang nya tadi meletup lalu leka strum senapang nya ngena bini iya. Bini Romollo mati dia.

Kes 4

Walter hallas, 31 siku deriba lori ba Leed menua Nengland, benung raya pedis ngeli. Iya selalu nyabak, makai ngirup pen ngai nyadi. Siti ga ulah Walter tu enggai betemu enggau lutur ngeli laban takut dijek lutur. Pemuas ngenat ke ngeli iya nya, Walter ngagau ke siku kaban iya dasuh iya mukut ngeli ya nya ngambi tingkil sekali. Kaban iya nya enda camang-camang lalu mukut ngeli Walter penapat inat ngujung ke Walter tegali pala iya tepantup ba segi semin tangga rumah iya. Kerubung pala Walter pechah ngujung ke iya lalu mati dia.

Kes 5

Kes penudi tu nyadi ba menua New York, Amerika Syarikat. Siku laki tetingkap pengudah diranggar siti entukar. Iya angkat tang nadai balat telih. Bisi siku orang meda nelai serta ngelalu laki nya tadi ngambi terus ningkap aja ba jalai nya tadi, ngambi deriba entukar nya tadi ngumbai iya bakal balat. Tuju iya ketegal deka ngulih ke pampas ari kompeni ensuran. Enda mukai mukai entukar nya tadi ngerantar baru ke belakang lalu ngindik perut laki nya tadi ngujung ke iya lalu mati dia.